“ამირანთან“ ისევ დაძაბულობაა, ადგილზე სპეცრაზმი მივიდა

კინოთეატრ “ამირანთან“ აქციის მონაწილეები შენობაში შესვლას და ფილმის ჩვენების ჩაშლას ისევ ცდილობენ,  თუმცა მათ ამის შესაძლებლობას სამართალდამცველები არ აძლევენ.

აქციის მონაწილეებსა და პოლიციას შორის მცირე დაპირისპირება პერიოდულად ხდება.

პროტესტის მიუხედავად თბილისის კინოთეატრებში ლევან აკინის ფილმის „და ჩვენ ვიცეკვეთ“ პრემიერა დაიწყო. „ამირანში“, „თბილისი მოლსა“ და „გალერია თბილისში“ ჩვენება 20:00 საათზე დაიწყო. თუმცა უსაფრთხოების ზომებისა და საპროტესტო აქციების გამო მაყურებელთა ნაწილმა დარბაზებში მოხვედრა დროულად ვერ მოახერხა.

ადგილზე სპეცრაზმი მივიდა.