სიკეთის კეთებას დღესასწაული არ სჭირდება (ვიდეო)
ვაჟა თანიაშვილი
საეთაშორისო ასოციაცია ,, საქართველოს ქალები მშვიდობისა და სიცოცხლისათვის „ რომელიც 27 წელზე მეტია არსებობს და აერთიანებს სახელოვან, ღვაწლმოსილ ქალბატონებს, მრავალ პროექტს ახორციელებს სამშვიდობო, განათლების, ჯანმრთელობის, სოციალური და ჰუმანიტარული დახმარების სფეროში, მათ შორისაა შშმ პირთათვის დახმარების აღმოჩენა.
2019 წლის 3 დეკემბერს,საერთაშორისო ასოციაცია,,საქართველოს ქალები მშბიდობისა და სიცოცხლისათვის“თავმჯდოარე მაია კვეზერელი-კოპაძე,ნონა სოსანაშვილი და დუშეთის მუნიციპალიტეტის საკრებულოს წევრი და ასევე ასოციაციის წარმომადგენელი დუშეთში მერიკო ფოლოდაშვილი ეწვივნენ სოფელ ბარისახოს სკოლა -პანსიონს და საბავშო ბაღს დასახმარებლად.
სკოლის 25 მოსწავლეს სოციალურად დაუცველი ოჯახებიდან გადაეცათ ტანსაცმელი,ფეხსაცმელი,ჟურნალ -გაზეთები, პანსიონის კონტიგენტს კი ტანსაცმელი, სასკოლო ასაკის განკუთვნილი წიგნები და კლასგარეშე ლიტერატურა.
