ზურაბიშვილის პრეზიდენტობიდან ერთი წელი გავიდა
მარიამ ახალკაცი
ზურაბიშვილის პრეზიდენტობიდან ერთი წელი გავიდა
ხვალ ზუსტად ერთი წელი გავა, რაც ქვეყნის პრეზიდენტი სალომე ზურაბიშვილი გახდა. რა გააკეთა და რითი დაამახსოვრა თავი საკუთარ ამომრჩველს პირველმა ქალმა პრეზიდენტმა ქვეყნის ისტორიაში – დღეს პოლიტიკოსები “კურიერთან” საუბრისას ზურაბიშვილის გადაწყვეტილებებს და მის ცნობილ განცხადებებს იხსენებენ.
“ევროპული საქართველოს” ლიდერის დავით ბაქრაძის შეფასებით, პრეზიდენტის განცხადებები საზოგადოების ხან აბრაზებს, ხანაც – აცინებს.
“ამ ქალბატონს არცერთი თავისი სატელევიზიო კომენტარი არ ჩაუგდია ისე, რომ რამე მორიგი არაადეკვატური არ ეთქვა, რაც საზოგადოებას ან აბრაზებს, ან აცინებს. დავესესხები ქალბატონ ზურაბიშვილს და მისი აღსაყდრების პირველი დღიდან მთელი მისი საქმიანობა, მიმართულია ან საზოგადოების გაბრაზებაზე, ან საზოგადოების გაცინებაზე. მეტი მისი განცხადებებიდან არაფერი არ გვახსოვს,” – აღნიშნა დავით ბაქრაძემ.
