უახლესი ისტორია რომ არ განმეორდეს და მორიგ მახეში არ გავებათ…
ზვიად ტომარაძე
“ერი და სახელმწიფო”
-ჩვენს გარშემო ვითარება იძაბება. ძალიან დიდი სიფრთხილე გვმართებს, რადგან ორივე მეზობლის მრავალრიცხოვანი, კომპაქტურად დასახლებული რეგიონები გაგვაჩნია. ამ ვითარებაში, საქართველომ მშვიდობისა და შერიგების როლი უნდა ითამაშოს, დამღუპველი შედეგების მომტანი იქნება ჩვენი მიმხრობა რომელიმე მხარესთან. მითუმეტეს, რომ არც ძლიერი ჯარი გვყავს, არც ეკონომიკა გვაქვს და სტრატეგიულ პარტნიორსაც ამჟამად საკუთარი პრობლემები აქვს.
ერთ მეზობელს თურქეთი, ხოლო მეორეს კი რუსეთი უმაგრებს ზურგს. ამიტომ, უახლესი ისტორია რომ არ განმეორდეს და მორიგ მახეში არ გავებათ, რასაც სავალალო შედეგები არაერთხელ მოუტანია, კეთილგონიერება უნდა გამოვიჩინოთ.
