“ევროპული საქართველო” აჭარაში დაწესებულ ახალ შეზღუდვებს აპროტესტებს

აჭარაში დაწესებულ ახალ შეზღუდვებს “ევროპული საქართველოს” დეპუტატობის კანდიდატები აკრიტიკებენ. როგორც “ევროპული საქართველოს” წარმომადგენელი არმაზ ახვლედიანი ამბობს,  ამ დრომდე ხელისუფლება საარჩევნო ქულების შეგროვებით იყო დაკავებული და მედიკოსების გადამზადება არ მომხდარა, რის გამოც სამედიცინო სფეროში პრობლემებია შექმნილი როგორც ტექნიკური, ასევე ადამიანური რესურსების კუთხით.

ოპოზიციაში ამბობენ, რომ აქამდე უნდა ეზრუნა ხელისუფლებას კოვიდთან საბრძოლველად, შეზღუდვები კი რომელიც დღეიდან ამოქმედდა რიგით მოქალქეებს დააწვება ტვირთად.