დღეს მსოფლიო თეთრი ხელჯოხის საერთაშორისო დღეს აღნიშნავს
15 ოქტომბერს მსოფლიო თეთრი ხელჯოხის საერთაშორისო დღეს აღნიშნავს. თეთრი ხელჯოხი უსინათლო და მცირემხედველი ადამიანის სიმბოლოა და მათთვის დამოუკიდებელი ცხოვრების შეუცვლელ ატრიბუტად მიიჩნევა. საქართველოში ამ დღის აღნიშვნა მხოლოდ 2011 წლიდან დაიწყეს. ეს არის ათეულ ათასობით უსინათლო და მცირემხედველი ადამიანის გახსენების, მათ პრობლემებსა და გამოწვევებზე აქცენტირების დღე.
