“მაჩაბელას” მესამე დღე

საბავშვო თეატრალური ფესტივალი „მაჩაბელა“ გრძელდება. ფესტივალის დირექტორი მამუკა ლომაშვილია, მენეჯერი კი – თეა დავითაია.

დღეს, ფესტივალის მესამე დღეს წარმოდგენილი იყო ორი თეატრალური სტუდია.

საბავშვო მუსილური თეატრი „ჭინჭრაქა“. ხელმძღვანელი ბესო ლომსაძე. დღეს ფესტივალზე სტუდიამ ახალგაზრდა რეჟისორის, გიორგი ბურჯანაძის სპექტაკლი –  „რეპეტიცია“ წარმოადგინა. დებიუტი იყო როგორც რეჟისორისთვის, ასევე პატარა მსახიობებისთვის, უნდა ითქვას, რომ თავი მართლაც მშვენივრად გაართვეს და მაყურებლის დიდი მოწონება დაიმსახურეს. გიორგი “ჭინჭრაქას” აღზრდილია და ახლა თავად ცდილობს ნიჭიერი ბავშვების არმოჩენას და ხელოვნების ზიარებას.

“ჭინჭრაქა”

ფესტივალის მეორე მონაწილედ მაყურებლის წინაშე წარსდგა ხელოვნების სკოლა „აფხაზეთი 1“-ის თეატრალური სტუდია. ნორჩმა მსახიობებმა სპექტაკლი „წუთისოფელი ასეა“ წარმოადგინეს და ისე გაითავისეს როლები, თითოეული მათგანი ისე გრძნობდა სათქმელს, რომ მაყურებელი კიდევ ერთხელ ჩააფიქრეს წუთისოფელზე. სკოლის დირექტირი თამარ ახალაია გახლავთ, სტუდიის ხელმძღვანელი კი თამარ იმნაიშვილი, რომელიც ბავშვებთან ისე მუშაობს, რომ თითოეულს პედაგოგის დანახვაზე ყოველგვარი დაძაბულობა ეხსნება.

ხელოვნების სკოლა „აფხაზეთი 1“