ექსკლუზივი – ყოფილი 27-ე საჯარო სკოლიდან ტექნიკასა და ინვენტარს იპარავენ (ფოტოები)
დავით ცხვარაძე
მოსახლეობის თხოვნით, ქუთაისის ყოფილ 27-ე საჯარო სკოლაში არსებული სავალალო მდგომარეობით, ახალი ამბების საგენტო – geomediatv.ge კიდევ ერთხელ დაინტერესდა.
საქმე ეხება სკოლის შენობას და მის ირგვლივ უყურადღებობის გამო წარმოქმნილ და განვითარებულ მოვლენებს, წლებია ვაშუქებდით სკოლის პრობლემას, ასევე ვაწვდიდით ინფორმაციას საზოგადოებას თუ რა მდგომარეობაში იმყოფება ყოფილი საჯარო სკოლის გარე პერიმეტრი. დღეს სკოლის გარშემო ღობე აღარ არსებობს, შენობა კი კარ-ფანჯრისგან პირწმინდად გაიძარცვა! განადგურებულია სკოლის საქვაბე შენობაც.
უპატრონოდ მიტოვებული შენობიდან ინვენტარსა და ტექნიკას იპარავენ, ესეც რა თქმა უნდა უყურადღებობის გამო ხდება, საჯარო სკოლას არც დაცვა ჰყავს და არც მეთვალყურე. ნათქვამია, „უპატრონო ეკლესიას ეშმაკები დაეპატრონენო” და აი, მაგალითიც! გამსახურდიას ქუჩის მოსახლეობამ ფოტოები მოგვაწოდა, სადაც კარგად ჩანს წასაღებად გამზადებული სკოლის ქონება. დასკვნა ასეთია – სახელმწიფო საკუთარ ქონებას ანიავებს!
დაუზუსტებელი ინფორმაცით არსებული ქონება ეკონომიკის სამინისტროს ბალანსზეა.
წარმოგიდგენთ ყველასგან მივიწყებული ყოფილი საჯარო სკოლის შენობის შიდა გარემოს ამსახველ ფოტოებს.
უკომენტროდ:
დანარჩენი კი საგამოძიებო უწყებებისთვის მიგვინდვია.
„არც პოლიცია მოძრაობს და არც ყურადღებას აქცევს ვინმე. არაერთხელ მოვიყვანეთ ტელევიზია, მაგრამ რა? ყურადღებას არვაინ აქცევს. ქემაინც შეუშვან ეს ტოლვილები და სისუფთავე მაინც იქნება, ამხელა შენობა ნიავდება წყალივით, საცოდაობაა- ლეწავენ და ანდგურებენ ყველაფერს. თან აქ სულ მუდამ რაღაც ცუდი ხდება, არის ხმაური, ისმის გინება და მუდამ ჩხუბია!“ – აცხადებს ადგილობრივი ზოია დეისაძე.