„თვითმმართველობის არჩევნებამდე ახალი პარლამენტი ვერ მივა“
მოძრაობა “ეროვნულების” ლიდერი სანდრო ბრეგაძე ვარაუდობს, რომ „თვითმმართველობის არჩევნებამდე ახალი პარლამენტი ვერ მივა“, რადგან აუცილებლად იქნება ქუჩის გამოსვლები.
-„ამ მეორე ტურში იძულებული ვარ ხმა მივცე ოცნების კანდიდატს, რადგან ნაციონალების გამარჯვებას ვერ დავუშვებთ, მაგრამ ჩაივლის არჩევნები და აუცილებლად წავალთ როგორც „ნაციონალების“ ასევე „ოცნების“ წინააღმდეგ. ისე, სააკაშვილის საფრთხობელობა შემთხვევითი არ იყო, ეს იყო გარიგება, სპექტაკლი, რომელშიც ყველამ თავისი როლი კარგად შეასრულა. სააკაშვილის -„აი, ჩამოვდივარ“-მა მოახდინა ოცნების ხმის მიმცემთა მობილიზება. სულ მალე ქართველი ხალხი ბოლოს მოუღებს კოჰაბიტირებულთა კეთილდღეობას“.
