ამერიკელთა ქველმოქმედება ეწერის საჯარო სკოლაში

დავით ცხვარაძე

სამტრედიის რაიონის სოფელ ეწერის საჯარო სკოლაში “ნიჭიერი 2016 ” გამოსავლენად ღონისძიება გაიმართა.

სკოლის მოსწავლეებმა მაყურებელს სპეციალური ნომრები წარუდგინეს და ჟიურისგან შესაბამისი შეფასებები დაიმსახურეს.

ჟიური ამერიკიდან ღონისძიებისთვის სპეციალურად ჩამოსული სტუმრებით გახლდათ დაკომპლექტებული. ამერიკელი სტუმრები საქველმოქმედო ორგანიზაცია “თბილისის მოზარდთა სახლის” დამაარსებლები და დამფინანსებლები არიან. აღნიშნული ორგანიზაცია ეწერის საჯარო სკოლას უკვე წლებია აფინანსებს. როგორც სკოლის დირექტორმა მიხეილ კოპალეიშვილმა განმარტა , ” თბილისის მოზარდთა სახლი” ეწერის საჯარო სკოლაში მოსწავლეთა უფასო კვებას, ტრანსპორტირებას და მედიკამენტებით მომარაგებას უზრუნველყოფას, ასევე ორგანიზაცია სკოლის წარჩინებული მოსწავლეების უმაღლეს სასწავლებელში სწავლას აფინანსებს.

შეგახსენებთ: სოფელი ეწერი მდებარეობს იმერეთის დაბლობზე ზღვის დონიდან 35 მეტრიში,და სამტრედიიდან 6 კილომეტრიში