ამირან გამყრელიძე: ეპიდვითარება უარესდება – შეიძლება საყოველთაო გავრცელება დაიწყოს
ეპიდვითარება უარესდება – შეიძლება საყოველთაო გავრცელება დაიწყოს, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.
“ეპიდვითარება ქვეყანაში დაახლოებით ბოლო 20 დღეა თანდათან უარესდება. იმატებს ყოველდღიური ახალი შემთხვევების რიცხვი. ე.წ. რეპროდუქციის მაჩვენებელი უკვე 1-ს ზემოთ არის, რომელიც ძალიან საყურადღებოა.
ასევე იმატებს აქტიური შემთხვევების რიცხვი, ანუ ადამიანების, რომლებიც არიან საავადმყოფოებში ან ბინაზე, ან სასტუმროებში მკურნალობაზე – ყველა ეს ინდიკატორი სამწუხაროდ, უარესდება. ის, რომ კლასტერებია ჩამოყალიბებული სამეგრელო, შიდა ქართლში და გურიაში ეს მეტყველებს და ეს გახლავთ პირველი ნიშანი, რომ შეიძლება საყოველთაო გავრცელება დაიწყოს, თუმცა ჯერჯერობით საყოველთაო გავრცელება არ გვაქვს, გვაქვს კლასტერული გავრცელება.
თუ რეკომენდაციებს შევასრულებთ პატიოსნად, მაშინ დიდი შეზღუდვების ალბათობა დაბალი იქნება”, – განაცხადა გამყრელიძემ.
