ზურაბ ჯაფარიძე – თუ 2 ოქტომბერს „ქართული ოცნება“ დამარცხდება, რაშიც დარწმუნებული ვარ, ამ შემთხვევაში, ქვეყანა ხელახალ არჩევნებზე გავა

2 ოქტომბრის არჩევნები არის პრინციპულად მნიშვნელოვანი ამ ქვეყნისთვის. 2 ოქტომბერს იქნება ტესტი ამ ხელისუფლებისთვის და ეს არის ლეგიტიმაციის ტესტი და თუ „ქართული ოცნება“ დამარცხდება 2 ოქტომბერს, რაშიც მე ვარ დარწმუნებული, ამ შემთხვევაში ეს ქვეყანა გავა ხელახალ არჩევნებზე და გაუჩნდება შანსი, რომ რაღაც შეიცვალოს, – ამის შესახებ „გირჩი მეტი თავისუფლებისთის“ წევრმა, ზურაბ ჯაფარიძემ განაცხადა.

მისი თქმით, ოპოზიციაში საერთო ხედვაა, რომ ქვეყანაში ცვლილებები აუცილებელია.

„ჩვენ, ვინც აქ ვდგავართ, ვართ ის ადამიანები, ვისაც ერთის მხრივ ზუსტად გვესმის, როგორი ქვეყანა გვინდა და რა არის ამ ქვეყანაში შესაცვლელი, მიუხედავად იმისა, რომ ჩვენს შორის არის ბევრი განსხვავება, არის საკითხები, სადაც ჩვენს ხედვებს შორის არის ცალსახად და ერთმნიშვნელოვნად ერთი და იმავე ხედვებიდა ეს ეხება იმას, როგორ უნდა შეიცვალოს ეს ქვეყანა იმისათვის, რომ მართლა გაჩნდეს შანსი წინსვლის. გარდა ამისა, ჩვენ ასევე გვესმის, რომ ამ ქვეყნის მომავალი გადის იმაზე, რომ ჩვენ შევძლოთ ერთმანეთთან თანამშრომლობა. თანამშრომლობა სხვადასხვა თემებზე, ისევე, როგორც თანამშრომლობა სხვადასხვა ტექნიკურ საკითხზე. ის, რასაც ახლა დღეს აქ ვაკეთებთ, ესეც არის თანამშრომლობის და კონსენსუსის ერთგვარი გამოვლინება“, – განაცხადა ჯაფარიძემ.