კოტე მახარაძის სახელობის ქუჩა მთაწმინდაზე
დღეს ცნობილ მსახიობს, სპორტულ კომენტატორს, ჟურნალისტს, სახალხო არტისტს, ღირსების ორდენის ორგზის კავალერს, კოტე მარჯანიშვილისა და ახმეტელის პრემიების ლაურეატს, ერთი მსახიობის თეატრის დამაარსებელსა და თბილისის საპატიო მოქალაქეს კოტე მახარაძეს 90 წელი შეუსრულდებოდა.
ამ დღესთან დაკავშირებით, მთაწმინდის რაიონში ერთ-ერთ ქუჩას კოტე მახარაძის სახელი მიენიჭა. სიმბოლური აბრა დღეს თბილისის მერმა დავით ნარმანიამ საქართველოს დამსახურებული არტისტის ოჯახის წევრებთან და ახლობლებთან ერთად გახსნა.
ღონისძიებას სპორტისა და კულტურის სფეროს წარმომადგენლები ესწრებოდნენ.