გურამ მაჭარაშვილი – გახარია „კოკაიშნიკი” ახლა გახდა, მანამდე იყო თუ ახლა აპირებს, ეს მისი პირადი საქმეა – იგი პოლიტიკურ ჭაობში აღმოჩნდა
„სამწუხაროდ, გიორგი გახარიამ კალაძის მშვიდი, უწყინარი და ჩვეულებრივი გამოწვევა პრაქტიკულად წააგო, წააგო იმით, რომ დააგვიანა კითხვაზე პასუხის გაცემა”, – ამის შესახებ ჟურნალისტებთან საპარლამენტო უმრავლესობის წევრმა გურამ მაჭარაშვილმა განაცხადა.
მისივე თქმით, გახარია პოლიტიკურ ჭაობში აღმოჩნდა, ამის შემდეგ რაც მეტს იმოძრავებს და იაქტიურებს, უფრო ჩაიძირება.
„არაფერი აქ არ იყო რთული, ამ ადამიანს შეეძლო მისულიყო და ტესტი ჩაებარებინა. გიორგი გახარიამ პასუხგაუცემელი კითხვები დააგროვა, როგორც მოსალოდნელი იყო, პოლიტიკურ ჭაობში აღმოჩნდა, ამის შემდეგ რაც მეტს იმოძრავებს და იაქტიურებს, უფრო ჩაიძირება. ამიტომ სჯობს, რომ როცა არჩევნების შემდეგ ნახავს, რომ ისეთი რეიტინგი არ აქვს რისი მოლოდინიც ჰქონდა, პოლიტიკას ჩამოცილდეს.
გახარია „კოკაიშნიკი” ახლა გახდა, მანამდე იყო თუ ახლა აპირებს, ეს მისი პირადი საქმეა. ჩვენ საფუძველი გვაქვს, ვივარაუდოთ, ნარკოტესტის ჩაბარება რატომ დააგვიანა. მტკიცებით ფორმაში ვერაფერს ვიტყვით, მაგრამ როცა ასეთი ამბიციის მქონე ადამიანი ასეთ მარტივ გამოწვევას ვერ მიიღებს, გამოცდას ვერ ჩააბარებს, კითხვები ჩნდება,”- განაცახადა მაჭარაშვილმა.
ირაკლი კობახიძემ გიორგი გახარიას „კოკაინშიკი“ უწოდა.
