Skip to content
ნანახია: 53
დღეს თბილისის საქალაქო სასამართლო ცესკოს წინააღმდეგ „თავისუფალი დემოკრატების“ სარჩელს განიხილავდა. საქმე ეხება ცესკო–ს იმ დადგენილებას, რომლის მიხედვით, პარტია “მრეწველობა გადაარჩენს საქართველოს”, ფრაქციის შექმნის შემდეგ დაფინანსებას მიიღებს და ცესკო–ს კომისიებში წევრების ყოლის უფლება ექნება. სასამართლომ სარჩელი არ დააკმაყოფილა.
შალვა შავგულიძის განცხადებით, ცესკო–ს გადაწყვეტილება არაკანონიერია, რადგან “მრეწველებმა” ვერ მოახერხეს 3% ბარიერის გადალახვა. “თავისუფალი დემოკრატების” ინტერესებს “ახალგაზრდა იურისტთა ასოციაცია” იცავს.
„თავისუფალ დემოკრატები“ თბილისის საქალაქო სასამართლოს გადაწყვეტილებას სააპელაციო სასამართლოში გაასაჩივრებენ, თუმცა როგორც პარტიის ერთ–ერთი ლიდერი შალვა შავგულიძე ამბობს, მას იმედი არ აქვს, რომ რაიმე შეიცვლება.