“მაესტროს” ყოფილი თანამშრომლები ტელეკომპანიის წინააღმდეგ
გადაცემების- “ბიზნეს კონტაქტი” და “საქმიანი დილა”– 27 ყოფილ თანამშრომელი ტელეკომპანიისგან ფინანსური დავალიანების დაფარვას მოითხოვს და ტელეკომპანიის წინააღმდეგ სარჩელის შეტანას გეგმავენ.
ჟურნალისტები აცხადებენ, რომ ტელეკომპანიის ახალმა ხელმძღვანელობამ მათ ჯერ უფლებამოსილება შეუჩერა, 6 ივნისს კი სამსახურიდან გაათავისუფლა. მათი თქმით, არა ერთხელ სცადეს ახალ მენეჯმენტთან მოლაპარაკება, თუმცა უშედეგოდ და ახლა პრობლემის გადაწყვეტის ერთადერთ გზად საქმის სასამართლოში განხილვას მიიჩნევენ. გათავისუფლებული ჟურნალისტების ინტერესებს პროფკავშირების იურისტი დაიცავს.