ბიძინა ივანიშვილმა, “კრედიტ სუისთან” შვეიცარიის ბანკის ყოფილი თანამშრომლის მიერ მოპარული თანხების დასაბრუნებლად სასამართლო მოიგო – Financial Times
Financial Times -ის ინფორმაციით, საქართველოს ყოფილმა პრემიერ-მინისტრმა ბიძინა ივანიშვილმა, “კრედიტ სუისთან” შვეიცარიის ბანკის ყოფილი თანამშრომლის მიერ მოპარული თანხების დასაბრუნებლად ხანგრძლივი სასამართლო მოიგო.
“კრედიტ სუისის” განცხადებით, ბანკი შეიძლება აიძულონ, გადაიხადოს $500 მილიონზე მეტი, როგორც კი ბერმუდის სასამართლო გამოაქვეყნებს გადაწყვეტილებას ბანკის ადგილობრივი სადაზღვეო შვილობილი კომპანიის წინააღმდეგ.
“Credit Suisse-მა ადრე აიღო რეზერვები ამ საკითხთან დაკავშირებით და აპირებს განახორციელოს ყველა არსებული სამართლებრივი ქმედება,” – ნათქვამია ბანკის განცხადებაში.
მიმდინარე წლის იანვარში ბანკმა განაცხადა, რომ 2021 წლის მეოთხე კვარტალში მიიღო SFr436mn (469 მილიონი აშშ დოლარი) უზრუნველყოფა, რათა დაფაროს სასამართლო პროცესები, მაგრამ დაამატა, რომ ეს ძირითადად დაკავშირებულია მის საინვესტიციო საბანკო ბიზნესთან.
“ჩვენ განვიხილავთ, საჭიროა თუ არა დამატებითი რეზერვები, როგორც ჩვენი პირველი კვარტლის შედეგების ნაწილი, რომელიც გამოქვეყნდება 2022 წლის 27 აპრილს,” – განაცხადეს მათ.
ივანიშვილის დავა Credit Suisse-თან 2011 წლიდან იწყება, როდესაც ის ჯგუფის კერძო საბანკო კლიენტი იყო.
ივანიშვილმა რამდენიმე საჩივარი შეიტანა შვეიცარიაში და უჩივლა Credit Suisse-ის ბერმუდის შვილობილ კომპანიას სასამართლო პროცესზე გასული წლის ნოემბერსა და დეკემბერში ქვეყნის უზენაეს სასამართლოში.
