საქართველო-რუსეთის საზღვარზე შეიარაღებული რუსი სამხედროები გამოჩნდნენ
„ლარსის საგუშაგოზე რუსმა მესაზღვრეებმა სამხედრო მოსამსახურეებისთვის ქვეყნის დატოვებაზე უარის თქმა დაიწყეს“ – ამის შესახებ უფლებადამცველთა ორგანიზაციის „აგორას“ ხელმძღვანელმა პაველ ჩიკოვმა განაცხადა.
„რუსეთ–საქართველოს საზღვარზე „ვერხნი“ ლარსის საგუშაგომ ქვეყნიდან გასვლაზე უარის თქმა მობილიზაციის შესახებ კანონის საფუძველზე დაიწყო“, – წერს ჩიკოვი.
მანამდე უფლებადამცველმა აღნიშნა, რომ კაცები მობილიზაციის გამოცხადების შემდეგ ყაზახეთში არ გაუშვეს.
ლარსზე საქართველოს საზღვართან შეიარაღებული რუსი სამხედროები გამოჩნდნენ ბეტეერებით. – აღნიშნულის შესახებ ფოტო ტელეგრამზე გავცელდა.
ერთ–ერთი ვერსიით, რუსულ მხარეს ბლოკპოსტის ჩადგმა სურს.