„მიშა უნდა გადარჩეს!!! 20 ნოემბერს მობრძანდით კანცელარიასთან…” – მიხეილ სააკაშვილის მამის მიმართვა

საქართველოს მესამე პრეზიდენტის მამა, ნიკოლოზ სააკაშვილი სოციალურ ქსელში განცხადებას ავრცელებს და საზოგადოებას მიმართავს, რომ 20 ნოემბერს, 14:00 საათზე მთავრობის კანცელარიასთან შეიკრიბონ.

„ქართველებო და არაქართველებო, ქვეყნის განვითარების და აყვავების, ევროორიენტაციის მომხრეებო,უბრალოთ საზოგადოების რიგითო წევრებო,მედიკოსებო,განსაკუთრებით ახალგაზრდებო.
მოგმართავთ პირველ რიგში,როგორც ამ ქვეყნის პატრიოტი. საქმე ეხება ადამიანს, ქვეყნის პრეზიდენტს რომელიც ამ ხელისუფლების პირობებში არის აბსოლუტურად შეთითხნილი ბრალდებებით პატიმარი. კაცი ციხის პირობებში დაავადდა უმძიმესი სენებით და დღეს უკვე იბრძვის სიცოცხლის უფლებისათვის.
კაცი რომელმაც შექმნა თანამედროვე სახელმწიფოებრიობა,საქართველო გაიყვანა მსოფლიოს დიდი პოლიტიკის ასპარეზზე და გახადა ანგარიშგასაწევ ძალად. ადამიანებს საქმით დაანახა და გაუღვივა ქვეყნის წინსვლის იმედი
ეს კაცია გადასარჩენი და ამ კაცს არ უნდა წაართვან სიცოცხლის უფლება?!
დავდგეთ ერთად და მივაწვდინოთ ხალხის ხმა ამ ხელისუფლებას.
სამწუხაროდ ჩემი ჯანმრთელობის მდგომარეობა არ მაძლევს უფლებას ვიყო ფიზიკურად აქტიურად ჩართული მიშას სიცოცხლის გადარჩენის პროცესში. დაუდგეთ ერთმანეთს და მიშას გვერდით ,
არ დავუშვათ რომ საქართველო გადაიქცეს ქვეყნის პრეზიდენტების სასაკლაოდ.
მიშას სასწრაფოდ სჭირდება საზღვარგარეთ სამკურნალოდ გაყვანა.
დავრწმუნდით რომ აქ ამის უნარი ნებით თუ უნებლიეთ არ გააჩნიათ-სამწუხაროთ.თხოვნაა –
20 რიცხვში 14 ს.მობრძანდით მთავრობის კანცელარიასთან.
თავისუფლება მიხეილ სააკაშვილს!!!!!!!.
უფალი იყოს მისი მფარველი.
მიშა უნდა გადარჩეს!!!!!” – წერს ნიკოლოზ სააკაშვილი.

Login

Welcome! Login in to your account

Remember me Lost your password?

Lost Password