ვულოცავ ლევან ხაბეიშვილს, ვუსურვებ პარტია ემართოს ღირსებითა და სიმართლით | ნიკა მელია

„ერთიანი ნაციონალური მოძრაობის” უკვე ყოფილმა თავმჯდომარემ, ნიკა მელიამ ლევან ხაბეიშვილს გამარჯვება მიულოცა.

როგორც ნიკა მელიამ გამართულ ბრიფინგზე განაცხადა, ის პარტიაში რჩება.

„არჩევნები შედგა, არჩევნებს ჰყავს თავისი კონკრეტული გამარჯვებული, მე მას ვულოცავ ამ შედეგს. ვულოცავ კონკრეტულად ლევან ხაბეიშვილს, ვუსურვებ მას, ჩემთვის ძალიან მნიშვნელოვანს, რაზეც მე და ათასობით ადამიანი საჯაროდ ვსაუბრობდით, ვუსურვებ პარტია ემართოს ღირსებითა და სიმართლით და მინდა ვიმედოვნო, რომ ის ამას მოახერხებს. არავის ეჭვი არ უნდა შეეპაროს, რომ მე ამ ბრძოლაში ვრჩები, ვრჩები ბრძოლაში, რომელსაც შემოვუერთდი 2013 წლიდან და რა თქმა უნდა, ვიქნები ამ ბრძოლის ავანგარდში”, – განაცხადა ნიკა მელიამ.

ნახეთ ასევე: „ერთიანი ნაციონალური მოძრაობის” თავმჯდომარე ლევან ხაბეიშვილი გახდა