ტრანსპორტის სამსახურს ახალი უფროსი ჰყავს
საკრებულოს სხდომაზე დღეს ტრანსპორტის სამსახურის ახალი უფროსი დაამტკიცეს. მამუკა მუმლაძე ხმათა უმრავლესობით აირჩიეს.
სამსახურის ახალარჩეულმა უფროსმა საკრებულოს უკვე წარუდგინა სატრანსპორტო რეფორმის გეგმა, რაც ქალაქში ახალი ავტობუსების შემოყვანას, მეტროს ტექნიკური მდგომარეობის გაუმჯობესებას და ქალაქში სატრანსპორტო მოძრაობის მოწესრიგებას გულისხმობს.
“ძირითადი რაც იქნება ჩემს მიერ განსახორციელებელი პროექტები, ავტობუსების და მეტროს განვითარებაა. ამის შემდეგ შეიძლება დავიწყოთ ტაქსების მოწესრიგება, დედაქალაქში არსებულ ავტოსადგურებზე კონკრეტული ხედვების ჩამოყალიბება და ა.შ. თანმდევი პროცესები უნდა იყოს,“ – განაცხადა მამუკა მუმლაძემ.
