ნასამ მარსზე გასაფრენი ხომალდის ძრავა გამოსცადა
29 ივლისს, მისისიპის შტატში, ჯონ სტენისის სახელობის კოსმოსურ ცენტრში, ნასამ წარმატების გამოსცადა შორეულ კოსმოსში მოგზაურობისთვის მშენებარე რაკეტის SLS ძრავა RS-25.
ნასა ამ ხომალდით ადამიანის გაშვებას აპირებს კოსმოსში იმ მანძილზე, სადაც ჯერ კაცობრიობას ფეხი არ დაუდგამს. ექსპერტები ამბობენ, რომ SLS-ის საშუალებით შესაძლებელი იქნება მარსზე მოგზაურობაც.
ძრავას მეორედ 18 აგვისტოს გამოცდიან, გაფრენის პირველი ტესტი კი 2018 წელს განხორციელდება.