“არა ნარკოტიკს! ამ ბრძოლას მივიყვანთ ბოლომდე! შემოგვიერთდით!”
საზოგადოების ნაწილმა ხელმოწერების შეგროვება დაიწყო.
2 დღეა ბუკიას ბაღში ახალგაზრდების ჯგუფი დევიზით – არა ნარკოტიკს! ხელმოწერებს აგროვებს.
ამ აქციის მონაწილეები აცხადებენ, რომ უკვე დღეიდან გადანაწილდებიან ქალაქის სხვადასხვა ტერიტორიებზე და გააგრძელებენ აქტიურობას. ისინი რეგიონებსაც მოუწოდებენ ჩაებან აქციაში და უარი უთხრან ნებისმიერი სახის ნარკოტიკს.
– ჩვენ დავიწყეთ პრაქტიკული ბრძოლა ნარკომანიის წინააღმდეგ და ამ ბრძოლას მივიყვანთ ბოლომდე!
არა ნარკოტიკს! მეტი საცურაო აუზი,❤️ მეტი ფეხბურთის მოედანი,❤️მეტი ჯანმრთელი ადამიანი,❤️ მეტი ჯანსაღი აზრი!
ვაგროვებთ ხელმოწერებს ლეგალიზაციის წინააღმდეგ! თითოეული თქვენგანის თანადგომა გადამწყვეტია!
არა ლეგალიზაციას!-აცხადებენ ჯგუფის წევრები.