ვინ დაიკავებს გუბერნატორის სავარძელს…
საქართველოს პრემიერ-მინისტრმა, ხუთი გუბერნატორი თანამდებობიდან გაათავისუფლა. მამუკა ბახტაძემ რეგიონული განვითარების მართვა სოზარ სუბარს ჩააბარა.
ცნობილი ხდება, რომ ხვალ პრემიერი გუბერნატორების ახალ კანდიდატურებს წარადგენს. გავრცელებული ინფორმაციით, სამეგრელოს გუბერნატორად ალექსანდრე მოწერელია ინიშნება. მცხეთა-მთიანეთის გუბერნატორი კი შალვა კერესელიძე ხდება.
იმერეთს შავლეგო ტაბატაძე უხელმძღვანელებს, სამცხე- ჯავახეთს – ბესიკ ამირხანაშვილი, ქვემო ქართლში შოთა რეხვიაშვილი ინიშნება, შიდა ქართლში – ალეკო ხოჯევანიშვილი იქნება.
რამდენად გამართლდება ეს ინფორმაცია, პრემიერის ბრიფინგის შემდეგ გახდება ცნობილი.
