აფხაზეთის ომის გმირების სახელის უკვდავსაყოფად ხეები დაირგო
ისინი ხშირად იკრიბებიან და კარგ საქმეს აკეთებენ, მათ ყველას ერთი ტკივილი აერთიანებს-აფხაზეთი.
მარინა ნაჭყებია, ნარგიზა მარტიაშვილი, ანზორ დანელია, ზაირა კობახიძე-მათ აფხაზეთის ომმა მოუშუშებელი ჭრილობები დაუტოვა.
მარინა ნაჭყებიას ომში ძმა დაეღუპა, ნარგიზა მატიაშვილი აფხაზეთის ომში უგზო-უკვლოდ დაკარგული გიორგი მატიაშვილის დედაა, ანზორ დანელიას კი ომმა ორი ვაჟი წაართვა, ზაირა კობახიძეს მეუღლე და ქალიშვილი ჰყავს დაღუპული.
ტკივილს უძლებენ, მონატრებას ვერ ერევიან და დაბრუნების იმედს არ კარგავენ…
ხშირად ქუჩაში მოწყალებას არიგებენ, უქონელ ახალგაზრდებს მოსავენ, აპურებენ…ახლაც ერთად გავიდნენ ვარკეთილის მეოთხე მიკრორაიონის სკვერში, დაასუფთავეს და აფხაზეთში დაღუპული გმირების სახელზე ხეები დარგეს.
ხე სიცოცხლის სიმბოლოა, მომავალი თაობები ამ ხეების ჩრდილში აუცილებლად იგრძნობენ მათ სულს, ვის სახელსაც ხე ატარებს.
მარინა ნაჭყებია
ნარგიზა მარტიაშვილი
ანზორ დანელია, ზაირა კობახიძე
