პრემიერი: ილიაც მარადიულია და საქართველოც მარადიულია!
-“ვაჟა-ფშაველამ თქვა – “ილიას მკვლელებს რომ შეძლებოდათ, საქართველოს მოკლავდნენო”, მაგრამ ვერ მოკლეს. ვერც ილია მოკლეს და ვერც საქართველო მოკლეს, რადგან ილიაც მარადიულია და საქართველოც მარადიულია. ამ სიკვდილმა ქართველი ერი გამოაფხიზლა, ქართველი ერის განვითარების ვექტორი გაამყარა და ქართველი ერის ზნეობა განამტკიცა. ილიამ ამისთვის საკუთარი სიცოცხლე გაიღო. მთელი მისი ცხოვრება, მთელი მისი მოღვაწეობა, მწერლობა, საზოგადო მოღვაწეობა ხომ ამას ეძღვნებოდა ნამდვილად” – განაცხადა გიორგი კვირიკაშვილმა ილია ჭავჭავაძის მკვლელობის დღისადმი მიძღვნილ ღონისძიებაზე.
