2015-2019 წლებში საქართველოში ბინადრობის უფლება 11 000 ირანელმა მიიღო
საქართველოს დემოგრაფიული საზოგადოება XXI-ის ხელმძღვანელია ზვიად ტომარაძე სოციალურ ქსელში იუსტიციის სახლიდან გამოთხოვილ ოფიციალურ მონაცემებს ავრცელებს, სადაც ნათლად ჩანს, თუ რომელი უცხო ქვეყნის რამდენმა მოქალაქემ მიიღო 2015–2019 წლებში ბინადრობის უფლება საკუთრების შეძენის სანაცვლოდ. ” როგორც ამ მონაცემებიდან ირკვევა, დაახლოებით 11 000 ბინა ირანის მოქალაქეებს ეკუთვნით, თუმცა შესაძლოა ეს ციფრი კიდევ უფრო მეტიც იყოს, ვინაიდან ზოგს შეიძლება შეძენილი ჰქონდეს ბინა, მაგრამ ჯერ არ იყოს გადმოსული და შესაბამისად ბინადრობაც არ ჰქონდეს აღებული. შეგახსენებთ, რომ ეს არის ბინადრობის უფლების 10 სახედან ერთ–ერთი. გარდა ამისა, არსებობს ბინადრობა “ოჯახის გაერთიანების მიზნით, რომელიც გაიცემა ბინადრობის ნებართვის მქონე უცხოელის ოჯახის წევრებზე. კანონის მიხედვით კი ნათესავებად ითვლება: ცოლი, ქმარი, შვილები, ბებია, ბაბუა, შვილიშვილები, და, ძმა. როგორც ვხედავთ, ერთი ბინადრობის ნებართვის მქონე უცხოელს, საქართველოში საცხოვრებლად ნათესავთა ფართო წრის ჩამოყვანა შეუძლია და სანამ არ გაყიდის სახლს (ბინას), მანამდე შეუძლია უპრობლემოდ იცხოვრონ ჩვენს ქვეყანაში. როგორც იცით, 2018 წლის 24 ოქტომბერს 35 000 ხელმოწერასთან ერთად შევიტანეთ კანონპროექტი, რომელიც კრძალავს ბინადრობის უცხოელებზე “გაყიდვას”. აღნიშნული კანონპროექტი შეპირებისამებრ პარლამენტის პლენარულ სხდომაზე, კენჭისყრაზე უნდა გასულიყო თებერვალში, გუშინ შევხდი იურიდიული კომიტეტის თავმჯდომარეს ბ–ნ ანრი ოხანაშვილს და მივიღე ახალი პირობა, რომ აღნიშნული კანონპროექტის კენჭისყრა მარტში მოხდება”-წერს ზვიად ტომარაძე საკუთარ ფეისბუქ-გვერდზე.
