ბათუმში კორპუსის აშენების მიზნით მრავალწლოვანი ხეები მოჭრეს
ბათუმში ინასარიძის ქუჩაზე კორპუსის აშენების მიზნით მწვანე საფარი მოშალეს და მრავალწლოვანი ხეები მოჭრეს. ადგილი უკვე შემოღობილია და ბანერიც გაკრულია, სადაც მითითებულია, რომ მერიის ნებართვით მრავასართულიანი კორპუსი აშენდება. როგორც ადგილობრივები აცხადებენ, ბათუმის მერმა ისინი მოატყუა, როდესაც დაპირდა, აღნიშნული ადგილის გამწვანებას და გრანდიოზული სკვერის გაშენებას. მათი თქმით, როდესაც კობახიძემ ადგილობრივ მოსახლეობას პარკის აშენებას დაპირდა, გამწვანებული ადგილი უკვე გაყიდული იყო სამშენებლო კომპანიაზე. მათივე თქმით, მშენებლობა აჭარის მთავრობის თავმჯდომარის ინტერესებშია.
