ოთხ ჯარისკაცს ტემპერატურა აღარ აქვს
ვაზიანის სამხედრო ბაზიდან პირველ საუნივერსიტეტო კლინიკაში გადაყვანილი 5 ჯარისკაციდან მხოლოდ ერთს აქვს პნევმონია. აღნიშნული განცხადება კლინიკის დირექტორმა გააკეთა. ლალი ტურძელაძის ინფორმაციით ჯარისკაცებს კორონავირუსზე კვლევა დღეს ჩაუტარდებათ.
„ ხუთი ჯარისკაციდან, ოთხს ტემპერატურა აღარ აქვთ. როდესაც გადმოიყვანეს, ყელის ტკივილები და 37 ტემპერატურა აღენიშნებოდათ, დღეს კი უკეთესადაა მათი მდგომარეობა. ჯარისკაცს, რომელსაც ფილტვების ანთება აქვს, სხვა პალატაშია მოთავსებული”- აცხადებს ტურძელაძე.
როგორც ცნობილია, ჯარისკაცები სამხედრო ნაწილის გარეთ პატრულირებდნენ, სადაც ტემპერატურა დაუფიქსირდათ. ისინი ყაზარმულ მდგომარეობაში არ იმყოფებოდნენ.
