დაპირისპირება ქუთაისში – სკვერი გარჩევების მუდმივი ადგილია!
დავით ცხვარაძე
ამ პრობლემაზე უკვე რამდენჯერმე დაიწერა, შეწუხებულმა მოსახლეობამ არაერთი განცხადება გააკეთა, მაგრამ როგორც ირკვევა უშედეგოდ.
წუხელ გვიან ღამით მორიგი საქმის გარჩევა და დაპირისპირება მოხდა ქუთაისში, ინციდენტის დროს მოსწავლე ახალგაზრდობის პარკში ნაგვის ურნები დალეწეს.
პარკთან ახლოს მცხოვრები მოსახლეობა კიდევ ერთხელ ამბობს, რომ პარკი ყოველ საღამოს ქუჩური გარჩევების ბირჟადა ქცეული და საპატრულო პოლიციის ყურადღებას ითხოვს!
მოქალაქეები ამბობენ, რომ ადგილზე არ პატრულირებს საპატრულო პოლიცია და პარკის მიმდებარე ტერიტორია, 8 ჰექტარი მოხუცი დარაჯის იმედად არის მიტოვებული.
დალეწილი ნაგვის ურნების ამსახველი ფოტოები სააგენტო geomediatv.ge_მ ექსკლუზიურად მოიპოვა.
