თუ გაჭირვებაა, ყველას უნდა გაუჭირდეს და 3 000 ლარი ასეთ ქვეყნაში არის საკმაოზე მაღალი ხელფასი
ლეიბორისტული პარტიის ერთ-ერთმა ლიდერმა ლაშა ჩხარტიშვილმა საპარტნიორო ფონდის ოფისთან გაბცხადება გააკეთა.
მისი თქმით, კორონავირუსთან ერთად ქვეყანაში კორუფციის ვირუსი მძვინვარებს. ჩხარტიშვილმა დღეს საპარტნიორო ფონდის მაღალი ხელფასებიც გააპროტესტა. მისი თქმით, პანდემიის დროს ქვეყანაში 3 000 ლარზე მეტი ხელფასი არავის არ უნდა ჰქონდეს.
“3 000 ლარზე მეტი ხელფასი არ ჰქონდეს ქვეყანაში არავის ეპიდემიის დროს მაინც იმიტომ, რომ თუ გაჭირვებაა, ყველას უნდა გაუჭირდეს და 3 000 ლარი ასეთ ქვეყნაში არის საკმაოზე მაღალი ხელფასი და დაზოგილი ფული, ამაზე და კორუფციულ ხარჯებზე გასცენ კომპენსაცია ყველა მოქალაქეზე,” – აცხადებს ლაშა ჩხარტიშვილი.