საკონსტიტუციო სასამართლოს თავმჯდომარის პოსტის დასაკავებლად 2 მოსამართლე იბრძოლებს
საკონსტიტუციო სასამართლოს თავმჯდომარის პოსტის დასაკავებლად 2 მოსამართლე, ირინა იმერლიშვილი და მერაბ ტურავა იბრძოლებს. საკონსტიტუციო სასამართლოს თავმჯდომარეს ასარჩევად არანაკლებ 5 ხმაა საჭირო. ამ ეტაპზე უცნობია, როდის ჩაინიშნება პლენუმის სხდომა.
იმერლიშვილმა და ტურავამ საკონსტიტუციო სასამართლოს განცხადებით უკვე მიმართეს.
მერაბ ტურავას კანდიდატურა ხუთმა მოსამართლემ წარადგინა, იმერლიშვილის კი ოთხმა.
განცხადებების განხილვის შემდეგ საკონსტიტუციო სასამართლოს პლენუმმა უნდა უყაროს კენჭი დასახელებულ კანდიდატურებს.
