„კოლეჯები მზად არიან, გაიხსნან, მიიღონ სტუდენტები და ემზადებიან საშემოდგომო მიღებისთვისაც“

სახელმწიფო და კერძო კოლეჯი, რომელთაც ჯანდაცვის სამინისტროს რეკომენდაციით, სასწავლო პროცესის აღდგენის ნებართვა მიიღეს, სწავლას განაახლებენ.

განათლების მინისტრის მოადგილის, თამარ ქიტიაშვილის განცხადებით, ჯანდაცვის სამინისტროს ინსპექტირება 70-მა პროფესიულმა საგანმანათლებლო დაწესებულებამ გაიარა და სრულად დააკმაყოფილა ყველა რეკომენდაცია.

„კოლეჯები უკვე მზად არიან, რომ გაიხსნან, მიიღონ სტუდენტები და ამის პარალელურად, კოლეჯები ემზადებიან საშემოდგომო მიღებისთვისაც“ – განაცხადა თამარ ქიტიაშვილმა