ანა ნაცვლიშვილი – თამარ ჟვანიას ერთადერთი, რაც შეუძლია, გააკეთოს უკეთესი საარჩევნო გარემოსთვის და სახელმწიფოსთვის, ეს არის გადადგომა
„ლელოს” წევრი, ანა ნაცვლიშვილი ცესკო-ს თავმჯდომარეს, თამარ ჟვანიას ურჩევს, თანამდებობიდან გადადგეს.
„როცა ამ თანამდებობაზე თამარ ჟვანია ინიშნებოდა, ნამდვილად ვერ ვიფიქრებდი, რომ ამ სიტყვების თქმა მომიწევდა, მაგრამ თამარ ჟვანიას საჯაროდ ერთადერთ რამეს ვეტყოდი – მას ერთადერთი, რაც შეუძლია, გააკეთოს უკეთესი საარჩევნო გარემოსთვის და სახელმწიფოსთვის, ეს არის მისი გადადგომა”, – განაცხადა ნაცვლიშვილმა.
31 ოქტომბრის საპარლამენტო არჩევნების შედეგების შემსწავლელი დროებითი საგამოძიებო კომისიის წევრების კითხვებს დღეს ცენტრალური საარჩევნო კომისიის თავმჯდომარე თამარ ჟვანია უპასუხებს.
