არ შეიძლება, „ნაცმოძრაობის“ კანდიდატს დაუდგე მაშინ, როცა ზუსტად იციან, რომ სისხლიანი დანაშაულები აქვთ ჩადენილი – გია ვოლსკი

პარლამენტის პირველი ვიცე-სპიკერის, გია ვოლსკის განცხადებით, ოპოზიცია თვითმმართველობის არჩევნებზე ჯანსაღი კონკურენციის გზით არ წავა.

ვოლსკის თქმით, მნიშვნელოვანია, რომ მედიამ სწორი ინფორმაციის მოპოვებასა და გავრცელებაზე იმუშაოს.

„ვფიქრობ, მათი მთავარი იარაღი კვლავ დესტრუქცია და დეზინფორმაციის გავრცელება იქნება. მნიშვნელოვანია, რომ მედიამ სწორი ინფორმაციის მოპოვებასა და გავრცელებაზე იმუშაოს, რის დიდ სურვილსაც ვერ ვხედავ. დედაქალაქში იმდენი რამეა გაკეთებული, რომ საზოგადოებას ამასთან დაკავშირებით თავის აზრი აქვს. როცა დესტრუქციაზე, აგრესიასა და დაპირისპირებაზეა საუბარი, ამის რესურსი ნამდვილად აქვს ჩვენს ოპონენტებს, მათ შორის ნიკა მელიას.

პოლიტიკური სუბიექტები, რომლებიც გუშინ „ნაციონალური მოძრაობის“ სატელიტად მოიაზრებოდნენ, ხვდებიან, რომ ასეთი სადისტური მმართველობის გამეორება და ამ თემის ჩრდილში მოქცევა შეუძლებელი იქნება. ეს საზოგადოებას ახსოვს და შესაბამისად, პოლიტიკური გადარჩენისთვის საკუთარი პროგრამის წარმოჩენაა საჭირო, ეს ეხება კონკრეტულ ადამიანებს. არ შეიძლება, „ნაცმოძრაობის“ კანდიდატს დაუდგე მაშინ, როცა ზუსტად იციან, რომ სისხლიანი დანაშაულები აქვთ ჩადენილი“, – განაცხადა ვოლსკიმ.

Login

Welcome! Login in to your account

Remember me Lost your password?

Lost Password