„ჩემი სრული სოლიდარობა TV პირველის გმირულ კოლექტივს“ – მიხეილ სააკაშვილი

მიხეილ სააკაშვილის ფეისბუკგვერდზე მისი მორიგი მიმართვა ვრცელდება.

ექსპრეზიდენტი ბიზნესმენ ავთანდილ წერეთლის საქმეს ეხმაურება.

„ავთო წერეთელი ძლივს გადარჩა ისრაელში ონკოლოგიური დაავადების შედეგად სიკვდილს. მე ყველა ამ პერიპეტიის საქმის კურსში ვარ, იმიტომ რომ ავთო ძალიან ახლობლობდა ბებიაჩემ მზია წერეთელთან და მეც კარგად ვიცნობ.

ახლა რასაც შვრება ივანიშვილი მის აუცილებელ პროცედურებზე არგაშვებით, არის პირდაპირი მკვლელობა. ამ მკვლელობის უშუალო შემსრულებლებს სინდისი თუ არ აწუხებთ, პასუხისმგებლობის მაინც არ ეშინიათ?

ჩემი სრული სოლიდარობა TV პირველის გმირულ კოლექტივს!“, – აცხადებს მიხეილ სააკაშვილი.