სოფელ შილდაში ხანძარს 80 წლამდე ასაკის კაცი ემსხვერპლა
ყვარლის მუნიციპალიტეტის სოფელ შილდაში ხანძარს 80 წლამდე ასაკის მარტოხელა კაცი ემსხვერპლა.
შემთხვევა ცოტა ხნის წინ მოხდა. ადგილობრივების ინფორმაციით, გარდაცვლილს ჯანმრთელობის პრობლემები ჰქონდა, რის გამოც კაცმა დიდი დაკვამლიანების გამო, სახლის დატოვება დროულად ვერ შეძლო და გაიგუდა.
წინასწარი ინფორმაციით, ხანძარი სავარაუდოდ, შეშის ღუმელიდან გაჩნდა. ადგილზე საგამოძიებო ღონისძიებები ამ დრომდე მიმდინარეობს.
