სანქტ-პეტერბურგში ომის წინააღმდეგ გამართულ აქციაზე 90-ზე მეტი ადამიანი დააკავეს
BBC-ის რუსული გამოცემის ცნობით, სამშაბათს, რუსეთის ქალაქ სანქტ-პეტერბურგში, უკრაინაში ომის წინააღმდეგ გამართულ პროტესტზე 90-ზე მეტი მომიტინგე დააკავეს.
გამოცემის თანახმად, საპროტესტო აქცია ქალაქის ცენტრში, ნევსკის გამზირზე, სავაჭრო ცენტრ Gostiny Dvor-თან გაიმართა.
BBC-ი Zaks.ru-ზე დაყრდნობით იტყობინება, რომ რუსულმა პოლიციამ აქციის მონაწილეები და მინიმუმ ერთი ჟურნალისტი 30 წუთის ინტერვალში დააკავა.
გამოცემის ცნობით, ერთი დღით ადრე პოლიციამ ქალაქში ომის წინააღმდეგ გამოსული 900-მდე მომიტინგე დააკავა.
