15 წლიანი პატიმრობა ,,ომზე ყალბი ინფორმაციის გავრცელებისთვის” – რუსეთში კანონი მიიღეს

რუსეთის სახელმწიფო დუმამ დღეს, 4 მარტს ერთხმად მეორე მოსმენით მიიღო კანონი, რომელიც ,,რუსული არმიის შესახებ ფეიკ ინფორმაციის გავრცელებისთვის” რუსეთის მოქალაქეებს 15 წლიანი პატიმრობა ემუქრება. ინფორმაციას ინტერფაქსი ავრცელებს.

კანონპროექტი, ოფიციალური ცნობითვე, დაუყოვნებლივ გადაეგზავნება ფედერაციის საბჭოს და მისი ამოქმედება, შესაძლოა, უკვე ხვალიდანვე, დაიწყოს.

რუსეთის უკვე დაბლოკეს კიდევ ორი თავისუფალი მედიასაშუალება – Radio Liberty (Radio Svoboda) და Meduza. ამასთანავე, შეიზღუდა წვდომა BBC-ის რუსულ ბიუროზე. მანამდე, რუსეთის „ინფორმაციული ტექნოლოგიებისა და მასობრივი კომუნიკაციების ზედამხედველობის ფედერაციულმა სამსახურმა” დაბლოკა ტელეარხი „დოჟდი“. საბოლოოდ, ტელეარხმა 3 მარტს განაცხადა, რომ დროებით წყვეტენ მაუწყებლობას. პროკურატურის შუამდგომლობის შემდეგ დაიხურა რადიო „ეხო მასკვი“.