გიგი წერეთელი: „ოცნებას“ ეშინია ჩემი!
“ევროპის სახალხო პარტიის” წევრები “ქართული ოცნების” იმ განცხადებას ეხმაურებიან, სადაც მმართველი გუნდი ამბობს, რომ ეუთოს საპარლამენტო ასამბლეის პრეზიდენტის პოსტზე გიგი წერეთლის არჩევას მხარს არ დაუჭერს. EPP- ისთვის “ქართული ოცნების” განმარტებები გაუგებარია.
შვედეთის პარლამენტის წევრი კრისტიან ჰოლმ ბარფელდი ამბობს, რომ ის არაერთ არჩევნებს დასწრებია და მოუხდენია მისი მონიტორინგი თუმცა ყოველთვის დემოკრატიული სტანდარტებით ხელმძღვანელობდა. რაც შეეხება ეუთო-ს საპარლამენტო ასამბლეის პრეზიდენტობის თანამდებობაზე გიგი წერეთლის კანდიდატურას, ბარგელდი მას მხარს უჭერს.
“ბევრ არჩევნებზე ვყოფილვარ დამკვირვებელი, მე პოლიტიკურ პარტიას წარმოავდგენ, მაგრამ როდესაც საარჩევნო პროცესს ვაკვირდები, ყოველთვის დემოკრატიული, საერთაშორისო სტანდარტებით ვხელმძღვანელობ,”-განაცხადა კრისტიან ჰოლმ ბარფელდიმ.
თავად წერეთელი კი მმართველი გუნდის განცხადებას სამარცხვინოს უწოდება და ამბობს:
-„ქართულმა ოცნებამ სამარცხვინო მარათონი წამოიწყო ჩემი და ევროპის სახალხო პარტიის წინააღმდეგ. მათ ეშინიათ ჩემი, რომ არ გავხდე პრეზიდენტი. ეს ევროპული სტანდარტისთვის არის მიუღებელი“.