მარიუპოლის სამშობიაროს დაბომბვისას გადარჩენილმა ქალმა გოგონა გააჩინა
უკრაინაში, მარიუპოლის სამშობიაროს დაბომბვისას გადარჩენილმა ქალმა, რომლის ფოტომაც მსოფლიო მოიარა, გოგონა გააჩინა.
ცნობისთვის, 9 მარტს უკრაინის ოფიციალურმა პირებმა განაცხადეს, რომ რუსეთის ძალებმა სამხრეთ უკრაინის ქალაქ მარიუპოლში საავადმყოფო დაბომბეს. მათი ინფორმაციით, დანგრეულია ბავშვთა და სამშობიარო განყოფილებები.
უკრაინული მხარის ცნობით, მარიუპოლში სამშობიაროს დაბომბვის შედეგად გარდაიცვალა 3 ადამიანი, მათ შორის ერთი ბავშვი და დაშავდა 17, მათ შორის ფეხმძიმე ქალები. მარიუპოლის საკრებულოს განცხადებით, 9 მარტს სამშობიაროზე შეტევა მიზანმიმართულად განხორციელდა.