ანა ფოტიგამ არ იცის და ალბათ, ვერც გაიგებს, რა განსხვავებაა იმ ადამიანებს შორის, რომელსაც ის უწოდებს ოლიგარქებს და მათ შორის, ვინც არის ქველმოქმედი და თავისი ქვეყნისთვის თავდადებული ადამიანი – გია ვოლსკი
ოლიგარქები არიან ის ადამიანები, რომლებიც ქვეყანაში შექმნილი ვითარებით ბოროტად სარგებლობენ, ბიძინა ივანიშვილის ფულადი რესურსები კი დახარჯულია და დახარჯული იქნება საქართველოს ხვალინდელი დღისთვის, – ამის შესახებ პარლამენტის პირველმა ვიცე-სპიკერმა გია ვოლსკიმ ევროპარლამენტარ ანა ფოტიგას წერილთან დაკავშირებით განაცხადა.
ვოლსკის თქმით, ანა ფოტიგამ არ იცის და ალბათ ვერც გაიგებს, რა განსხვავებაა იმ ადამიანებს შორის, რომლებსაც ის უწოდებს ოლიგარქებს და ვინც არის ქველმოქმედი, ქვეყნისთვის თავდადებული ადამიანი.
„ბიძინა ივანიშვილი არ არის ოლიგარქი. ოლიგარქები არიან ის ადამიანები, რომლებიც ქვეყანაში შექმნილი ვითარებით ბოროტად სარგებლობენ, ბიძინა ივანიშვილის ფულადი რესურსები კი დახარჯულია და დახარჯული იქნება საქართველოს ხვალინდელი დღისთვის – კულტურული მემკვიდრეობიდან დაწყებული, ჯანდაცვის, განათლების, თუ გარემოს დაცვის სისტემით. ეს არის განსხვავება, რომელიც არ იცის ანა ფოტიგამ და ალბათ, ვერც გაიგებს, რა განსხვავებაა იმ ადამიანებს შორის, რომელსაც ის უწოდებს ოლიგარქებს და მათ შორის, ვინც არის ქველმოქმედი და თავისი ქვეყნისთვის თავდადებული ადამიანი“, – განაცხადა გია ვოლსკიმ.
ცნობისთვის, ევროპარლამენტარმა ანა ფოტიგამ გუშინ განაცხადა, რომ ევროკავშირის უმაღლეს წარმომადგენელ ჯოზეფ ბორელს წერილი გაუგზავნა. მან ჯოზეფ ბორელისთვის გაგზავნილ წერილში კითხვები დასვა „საქართველოს ევროკავშირში განაცხადზე, ევროპულ ღირებულებებზე, საქართველოს მესამე პრეზიდენტის მიმართ არასათანადო მოპყრობასა და რუსეთთან კავშირების მქონე ოლიგარქისთვის პერსონალური სანქციების დაწესების თაობაზე“.
