სალომე ზურაბიშვილი ელისაბედ მეორის დაკრძალვის ცერემონიაზე დასასწრებად ლონდონში ჩავიდა
საქართველოს პრეზიდენტი, სალომე ზურაბიშვილი ელისაბედ მეორის დაკრძალვის ცერემონიაზე დასასწრებად ლონდონში ჩავიდა – ინფორმაციას საქართველოს პრეზიდენტის ადმინისტრაცია ავრცელებს.
პრესსამსახურის ინფორმაციით, სალომე ზურაბიშვილი ლონდონში მსოფლიო ლიდერებთან ერთად, დიდი ბრიტანეთისა და ჩრდილოეთ ირლანდიის გაერთიანებული სამეფოს დედოფლის, ელისაბედის სამოქალაქო პანაშვიდსა და მიღებას დაესწრება, რომელიც მეფე ჩარლზ III-ის სახელით გაიმართება.
19 სექტემბერს კი, დაკრძალვის სახელმწიფო ცერემონიასა და მიღებას დაესწრება, რომელიც დიდი ბრიტანეთისა და ჩრდილოეთ ირლანდიის გაერთიანებული სამეფოს საგარეო საქმეთა მდივნის სახელით გაიმართება.
სამუშაო ვიზიტის ფარგლებში, აგრეთვე დაგეგმილია საქართველოს პრეზიდენტის შეხვედრა დიდი ბრიტანეთისა და ჩრდილოეთ ირლანდიის გაერთიანებული სამეფოს პარლამენტის თემთა პალატის სპიკერთან.
