„რუსთავი 2-ში იმაზე მეტი თანამშრომელია, ვიდრე სჭირდება“
ბიზნესმენმა ქიბარ ხალვაშმა, ტელეკომპანია “იმედის” ეთერში განაცხადა, რომ ტელევიზია უნდა იყოს კომერციული. მისივე თქმით, რუსთავი 2-ში ხარჯები “ძალიან გაზრდილია” და იქ იმაზე მეტი თანამშრომელია, ვიდრე რალურად საჭიროა.
–“ტელევიზია უნდა იყოს კომერციული. არა მხოლოდ ტელევიზიას არამედ ყველაფერს სჭირდება სწორი ფინანსური მართვა. ვფიქრობ, ხელოვნურად ძალიან გაზრდილია ხარჯები, რაღაც ვალდებულებები აქვთ აღებული ზედმეტი თანამშრომლებთან, რომლებიც ჰყავთ. მე კონკრეტულად არავის დავასახელებ, მაგრამ იქ იმაზე მეტი თანამშრომელია, ვიდრე სჭირდება. მე ასე წარმომიდგენია” – განაცხადა ხალვაშმა.
შეგახსენებთ, რომ ქიბარ ხალვაშს უზენაესი სასამართლოს გადაწყვეტილებით, სამაუწყებლო კომპანია “რუსთავი2″-ის 100%-იანი წილი გადაეცა.