ნიქოზიდან დაწყებული “სიყვარული გზად და ხიდად”…
“სიყვარული გზად და ხიდად”-ასე ერქვა გორის მუნიციპალიტეტის სოფელ ნიქოზში გამართულ, მრავალეროვან საქველმოქმედო, ამავდროულად საიუბილეო ღონისძიებას, რომელიც ქალთა საბჭოს თაოსნობით გაიმართა.
ექიმების ჯგუფმა უსასყიდლოდ გასინჯა სოფლის მოსახლეობა, ლაბორატორიამ კი სისხლის ანალიზი აუღო და საღამოთი პასუხიც მოახსენა ხალხს. კერძო პირებმა ტანსაცმელი ჩაუტანა მოსახლეობას , “ბარამბომ” კი ნაყინით და ლიმონათით დაასაჩუქრა სოფლის ბავშვები. იმ დღეს, ნიქოზელებმა, შიდა ქართლში დაბადებულ ცნობილ დებს-პოეტ მზია ხეთაგურსა და ექიმ ია დავითაიას დაბადებიდან 70 წელი აღუნიშნეს .
ლამაზი იყო დღეს…იყო ბევრი სიხარული და ბევრი ცრემლი. იყო ტკივილი-განახლებული ტკივილი- შინდისის საძმო სასაფლაო. ზეიმის ყველა მონაწილემ პატივი მიაგო გმირთა ხსოვნას.
-„ეს ის შენობაა შინდისში, სადაც ჩვენი ჩვიდმეტი ბიჭი, 2008 წლის აგვისტოში, რუსების მთელ ბატალიონს ხანგრძლივად უწევდა წინააღმდეგობას. მერე, როცა ყველა მათგანი მოკლეს, შენობის ნანგრევებში შესულ რუსული ბატალიონის მეთაურს გაკვირვება ვერ დაუმალავს მათი მცირერიცხოვნობის გამო. სამარადისო დიდება სამშობლოს დასაცავად, მამულის ყველა კუთხიდან შეკრებილ გმირებს! სარკმლიდან კი ცხინვალი მოსანს, აი, ასეთია სარკმლიდან დანახული მდუმარე ცხინვალი“-განაცხადა საღამოს სულისჩამდგმელმა ქეთევან გაბრუაშვილმა.
ამ დღესვე მრავალშვილიან ომში დაღუპულ ოჯახებს, მწოლიარე ავადმყოფებს და შშმ პირებს საჩუქრები გადაეცათ. დღე დასრულდა საკონცერტო პროგრამით, რომელშიც თბილისის, გორის და ახალგორის მხატვრული შემოქმედებითი ჯგუფები და ინდივიდუალური შემსრულებლები მონაწილეობდნენ, მთელი დღის განმავლობაში კი ნიქოზში საგარეჯოს სახალხო თეატრის მსახიობის ნათელა დიღმელაშვილის მიერ გაცოცხლებული ფუფლა დადიოდა და ყველასთან საერთო ენას ნახულობდა.
ნამდვილად საჭირო და ამაღელევებელი დღე იყო, ნიქოზში ხიდად გადებული ცისარტყელა პატარ-პატარა ცისარტყელებად დაიყო და მთელ საქართველოს მოსდეს ნიქოზიდან წამოსულმა სტუმრებმა.