“აშშ-ს ადმინისტრაცია მკაცრ პასუხს გასცემს ყველას, ვინც ეცდება საქართველოს სუვერენიტეტის ხელყოფას”
მაიკ პენსმა პრემიერ კვირიკაშვილთან ერთად გამართულ ბრიფინგზე რუსეთის საოკუპაციო ქმედებები საქართველოში დაგმო და ქართველებს მხარდაჭერა გამოუცხადa. პენსის განცხადებით, აშშ-ს ადმინისტრაცია მკაცრ პასუხს გასცემს ყველას, ვინც ეცდება საქართველოს სუვერენიტეტის ხელყოფას. “აქტიურად განვაგრძობთ მუშაობას, რათა საქართველო გახდეს ნატოს წევრი”.
პრემიერმინისტრის თქმით კი აშშ-ის მხარდაჭერის შედეგად “საქართველო დღეს აღარ არის არც საბჭოური და არც პოსტსაბჭოური ქვეყანა. დღეს ჩვენ ევროკავშირთან ასოცირებული ევროპული დემოკრატია ვართ”, – განაცხადა გიორგი კვირიკაშვილმა.
პრემიერმა მაიკ პენსს მადლობა გადაუხადა საქართველოში ვიზიტისთვის, რაც ამერიკის შეერთებული შტატების მთავრობის მხრიდან საქართველოს მიმართ გამოცხადებულ უმნიშვნელოვანეს მხარდაჭერად შეაფასა.