ვინც გადალახავს ერთ პროცენტიან ბარიერს, მაგრამ პარლამენტში ვერ შემოვა, ის ხალხის დაფინანსებას მიიღებს – არჩილ თალაკვაძე

ძვირფასო თანამოქალაქეებო, ეს კანონპროექტი ეხება იმ პარტიებს, რომლებიც თქვენ აირჩიეთ რომ პარლამენტში შესულიყვნენ, აქ რომ უნდა ემუშავათ და ამაში 6 მილიონი რომ უნდა გადაგეხადათ წლის განმავლობაში, მათ მომავალ პასუხისმგებლობას – ამის შესახებ ვიცე-სპიკერმა არჩილ თალაკვაძემ პლენარულ სხდომაზე განაცხადა.

მისივე თქმით, მცდარია ოპოზიციის შეფასება კანონპროექტთან დაკავშირებით და „მოქალაქეთა პოლიტიკური გაერთიანებების შესახებ“ კანონპროექტით წარმოდგენილი ცვლილებები ხელს უწყობს პოლიტიკური სისტემის სტაბილიზაციას და მოქალაქეების გადასახადებს პასუხისმგებლიანად ექცევა.

„ერთ პროცენტიან ბარიერზეა მიბმული დაფინანსება და ვინც გადალახავს ერთ პროცენტიან ბარიერს, მაგრამ პარლამენტში ვერ შემოვა, იმ ხალხის დაფინანსებას არ ეხება ეს კანონპროექტი. ძვირფასო თანამოქალაქეებო, ეს კანონპროექტი ეხება იმ პარტიებს, რომლებიც თქვენ აირჩიეთ რომ პარლამენტში შესულიყვნენ, აქ რომ უნდა ემუშავათ და ამაში 6 მილიონი რომ უნდა გადაგეხადათ წლის განმავლობაში, მათ მომავალ პასუხისმგებლობას.

არავითარი სადამსჯელო ინიციატივა ეს არ არის, იმიტომ, რომ სადამსჯელო როგორ შეიძლება იყოს ის, რაც ხელს უწყობს პოლიტიკური სისტემის სტაბილიზაციას. ან რაც მოქალაქეების გადასახადებს პასუხისმგებლიანად ექცევა. ეს ემსახურება იმას, რომ მომავალში თქვენი 6 მილიონი და თქვენი შვიდი თვე, რაც სახელმწიფოს ეკუთვნის, არ წაგართვათ რომელიმე უპასუხისმგებლო, დესტაბილიზაციაზე და არეულობაზე ორიენტირებულმა პარტიამ“,-განაცხადა არჩილ თალაკვაძემ.

 

Login

Welcome! Login in to your account

Remember me Lost your password?

Lost Password