კარლ ჰარცელი – კამათიდან მოქმედებებზე გადასვლის დროა – კრიტიკულად მნიშვნელოვანია იმ რეკომენდაციების გათვალისწინება, რომლებიც მის ჯანმრთელობასთან დაკავშირებით კეთდება
მინდა ხაზი გავუსვა ევროკავშირის მტკიცე მხარდაჭერას სახალხო დამცველის მუშაობის მიმართ, მათ შორის მის როლზე ზედამხედველობა გაუწიოს მიხეილ სააკაშვილთან დაკავშირებულ სიტუაციას და დაიცვას მისი უფლებები, – ამის შესახებ საქართველოში ევროკავშირის ელჩმა კარლ ჰარცელმა განაცხადა.
მისივე თქმით, აუცილებელი და კრიტიკულად მნიშვნელოვანია იმ რეკომენდაციების განხორციელება, რომლებიც მის ჯანმრთელობასთან დაკავშირებით კეთდება.
„ის, რაც ჩვენ გასული 24 საათის განმავლობაში ვნახეთ, კიდევ ერთი შეხსენებაა, რამდენად მნიშვნელოვანია, მიხეილ სააკაშვილის ჯანმრთელობის მდგომარეობაზე ორიენტირება,“- აღნიშნა ელჩმა.
მისი თქმით, რაც შეეხება ქვეყანაში არსებულ სიტუაციას, ჩიხიდან და კამათიდან მოქმედებებზე გადასვლის დროა.
„რაც შეეხება არსებულ მდგომარეობას, მიმაჩნია, რომ ჩიხიდან და კამათიდან შესაფერის მოქმედებაზე გადასვლის დროა, რათა, ამ გზით, მოგვარდეს სიტუაცია,“- აღნიშნა ელჩმა.
